la curona

 

 

casa-riflessa.jpg

 

 

 

Corre cu l’acqua che scorre

stà faccia mia che :

s’abbruna

s’allumma

scumpare

 

e po

accumpar’ancora

 

Forz’saranno e fronne n’giallute,

stù griggio stuppuso dde capille

che n’capa m’appare na curona

 

Ch’effetto strano

dint’a stù specchio d’acqua

a faccia mia cu na curona e spine

 

Povero Cristo “mme dico

 

Ma po guardanno bbuono

dint’a stà vita e spine

nu raggio e sole allumma

a ddo nà viola,a ddo na margherita,

chiù là piccerenella nà rusella

 

Ma quant’sò stì sciuri

che cu n’ammore vero,

n’ammore pazziariello

o sulo cu pè passione

hannu dato vita e culore

a stà curona e spine?

 

 

Carlo battimelli

 

The post la curona appeared first on Cartoline da Napoli.

I commenti sono chiusi.